İrina Zaretska Karate1 Premyer Liqada bürünc medal qazandı

Azərbaycan Karate Federasiyasının milli komandasının üzvü İrina Zaretska İtaliyada keçirilən Karate1 Premyer Liqa turnirində uğurlu çıxışı ilə diqqət çəkib.

Təcrübəli karateçimiz bürünc medal uğrunda görüşdə Almaniya təmsilçisi Hannah Riedel üzərində 2:0 hesablı qələbə qazanaraq yarışın bürünc medalına sahib olub.

Qeyd edək ki, Azərbaycan milli komandası bu yarışda Azərbaycan Karate Federasiyasının baş katibi Qabil Sayadovun, baş məşqçi Şahin Atamovun və böyük məşqçi Rəşad Hüseynovun rəhbərliyi ilə iştirak edib.